Að tengja AI-biðlara við Vergo (MCP)

Þú getur tengt AI-biðlara eins og Claude, Claude Code og ChatGPT við Vergo í gegnum MCP (Model Context Protocol). Þá getur AI-biðlarinn t.d. flett upp málskostnaðinum þínum, fundið mál og tengiliði, leitað í réttarheimildum og skráð tíma fyrir þig, beint úr samtalinu.

Fyrir stjórnendur: kveikja á gervigreindartengingum

Slökkt er á gervigreindartengingum þar til stjórnandi kveikir á þeim fyrir fyrirtækið. Til þess þarf réttindi til að breyta fyrirtækjatengingum.

• Farðu í Stillingar > Tengingar.

• Undir Fyrirtækjatengingar smellir þú á Tengja við Gervigreindartengingar (MCP).

• Kveiktu á Leyfa gervigreindartengingar.

• Veldu hvað AI-biðlarar mega gera í fyrirtækinu. Leyfa allt, líka möguleika sem bætast við síðar leyfir allt, eða þú velur einstaka möguleika (sjá hér fyrir neðan).

Í sama glugga sérðu alla AI-biðlara sem eru tengdir í fyrirtækinu, hver tengdi þá og hvenær þeir voru síðast notaðir, og getur aftengt þá.

Hvað mega AI-biðlarar gera?

Möguleikunum er skipt í flokka. Stjórnandi velur hvað er leyft í fyrirtækinu og hver notandi velur úr því þegar hann tengir AI-biðlara.

• Málskostnaður (tímar, föst gjöld og útlagður kostnaður)

  • Lesa: AI-biðlarinn getur séð málskostnaðinn þinn.

  • Skrá tíma: AI-biðlarinn getur skráð tíma á mál fyrir þig. Tímagjald, gjaldmiðill, afsláttur og greiðandi koma frá málinu og þér, eins og þegar þú skráir tíma sjálf(ur).

• Mál og verkefni: Lesa málin þín og verkefni á þeim.

• Tengiliðir: Lesa tengiliði fyrirtækisins sem þú hefur aðgang að.

• Réttarheimildir: Leita í dómum, lögum, reglugerðum og úrskurðum.

Í Vergo Core heita flokkarnir Verkkostnaður og Verk og verkþættir.

Tengja AI-biðlara

• Farðu í Stillingar > Tengingar.

• Undir Notandatengingar smellir þú á Tengja við AI-biðlarar (MCP).

• Þar finnur þú slóð netþjóns Vergo með afritunarhnappi og leiðbeiningar fyrir hvern AI-biðlara.

Claude (claude.ai og Claude-forritið)

• Opnaðu Settings og svo Connectors í Claude.

• Veldu Add custom connector.

• Gefðu honum nafnið Vergo og límdu inn slóð netþjónsins.

• Veldu Connect, skráðu þig inn í Vergo og samþykktu tenginguna.

Í Claude Team og Enterprise gæti eigandi þurft að bæta tenglinum við fyrir fyrirtækið fyrst.

Claude Code

• Afritaðu skipunina af síðunni í Vergo og keyrðu hana í skipanalínu. Hún lítur svona út: claude mcp add --transport http vergo <slóð netþjóns>

• Keyrðu /mcp í Claude Code, veldu vergo og svo Authenticate. Vafrinn opnast og þú skráir þig inn í Vergo.

ChatGPT

• Krefst greiddrar áskriftar að ChatGPT.

• Opnaðu Settings > Apps & Connectors > Advanced settings og kveiktu á Developer mode.

• Veldu Create, gefðu tenglinum nafnið Vergo, límdu inn slóð netþjónsins og veldu OAuth sem auðkenningu.

• Veldu Create, skráðu þig inn í Vergo og samþykktu tenginguna.

Í ChatGPT Business og Enterprise gæti stjórnandi þurft að leyfa developer mode fyrst.

Aðrir AI-biðlarar

VS Code, Cursor og aðrir AI-biðlarar sem styðja fjartengda MCP-netþjóna. Á síðunni í Vergo er stilling sem þú afritar inn í MCP-stillingar biðlarans.

Samþykkja tenginguna

Þegar AI-biðlarinn tengist opnast samþykkissíða Vergo í vafranum. Ef þú ert ekki innskráð(ur) skráir þú þig fyrst inn á venjulegan hátt.

• Veldu fyrirtækið sem tengingin á við. Hún gildir aðeins í því fyrirtæki. Viljir þú nota AI-biðlarann í öðru fyrirtæki tengir þú hann aftur og velur það.

• Veldu hvað AI-biðlarinn má gera, eða Leyfa allt. Aðeins er hægt að velja það sem fyrirtækið leyfir.

• Smelltu á Leyfa. Þá ferðu aftur í AI-biðlarann og tengingin er tilbúin.

Dæmi um notkun

• „Hvað skráði ég marga tíma í síðustu viku?“

• „Skráðu 1,5 tíma á mál 2026-123 í dag: Yfirferð kaupsamnings.“

• „Finndu dóma Hæstaréttar frá síðustu fimm árum um galla í fasteignakaupum.“

• „Hver er kennitala tengiliðarins Jón Jónsson?“

Áður en AI-biðlarinn skráir tíma staðfestir hann mál, dagsetningu, fjölda tíma og lýsingu við þig.

Aftengja AI-biðlara

• Farðu í Stillingar > Tengingar og smelltu á Breyta við AI-biðlarar (MCP).

• Undir Tengdir AI-biðlarar smellir þú á … við tenginguna og velur Aftengja.

AI-biðlarinn missir aðgang að Vergo samstundis. Stjórnendur geta líka aftengt AI-biðlara annarra notenda í fyrirtækinu.

Öryggi

• Aðgangur AI-biðlara er athugaður við hverja einustu fyrirspurn. Ef notanda er læst, hann fjarlægður úr fyrirtækinu, slökkt á gervigreindartengingum eða tengingin aftengd hættir hún strax að virka.

• Útskráning úr Vergo í vafranum aftengir ekki AI-biðlara. Notaðu Aftengja til þess.

• Allt sem AI-biðlarinn skráir er skráð á þig, eins og þú hefðir gert það sjálf(ur).

Ef tenging tekst ekki

• „AI connections are not enabled for this company“ eða fyrirtækið er óvirkt á samþykkissíðunni: stjórnandi þarf að kveikja á gervigreindartengingum (sjá ofar).

• „Fyrirtækið leyfir ekkert af því sem þessi AI-biðlari biður um“: stjórnandi þarf að leyfa fleiri möguleika.

• AI-biðlarinn getur ekki lengur notað Vergo: tengingin gæti hafa verið aftengd. Tengdu hann aftur.